أحببت لاجئة ... 🥺🍂 (1) :-
بقلم ✍️ : ĂŜ
بعد جوطه الحرب والحصل في الخرطوم .
ناس الخرطوم كلهم طلعو للولايات والعندو اهل في القري مشو ليهم ..
انا اسمي احمد من قريه من قري مدني عمري ١٨
المهم الاجئين كترو في حلتنا وعندنا بيت فاضي اصلا عندنا بيتين بيت قاعدين فيهو والتاني فاضي لمن الاجئين كترو بقو باجرو .
ف شاورتا الحاج قلتا ليهو رايك شنو ناجر بيتنا الفاضي دا ...
الحاج كشف كده قال لي احسن من م يقعد فاضي
قلتا ليهو تمام بشوف لو لقيت لي ناس بجييهم طوالي ..
يوم يومين سمعتا زول يفتش لي بيت فاضي للاجار ..
قلتا ليهو عندنا وسوقتو وريتو البيت وعجبوو واتفقنا علي السعر ...
اليوم التاني لاقاني قال لي الناس ديل بجو بكره قلتا ليهو ظابط انا بنظفو .
اها اليوم التاني جاا وانا نسيت انظف بقيت من الصباح شغال انظف فيهو عشان الحق قبلي يجو .
زي الساعه ثمانيه ونص الجماعه جو وانا لسه م انتهيت .
طقو الباب فتحتا ليهم وحالتي بالبلاء من الغبار والوسخ ...
ابوهم قال لي جينا بدري ولا شنو قلتا ليهو لالا انا اتاخرتا مفروض انتهيهو من امس وانشغلتا .
قال لي م مشكله ننظف معاك ..
ابوهم اسمو محمد ومرتو اسمها امنه (نسيبتي المستقبليه 😂🤏)
وعندهم ولد صغير وطلع اسمو احمد زي .
وبنوته صغنونه اسمها ريان
وبنت عمرها زي ١٧ سنه اسمها مروي
المهم سلمتا عليهم وشغالين ننظف ...
أحببت لاجئة ..🥺🍂(2) :-
بقلم ✍️ : ĂŜ
شغالين ننظف وقاعد اتونس معاهم وحكيت ليهم عن الحلة ووحكيت ليهم عن اهلي وابوي وكده
شايف ابوهم محمد دا شارد قلتا ليهو مالك
قال لي والله ي ولدي زي م شايف الامور جايطة .
حلتكم دي م بلقا لي فيها شغل ..
نظام ضحك كده قلتا والله الا طلبه قال لي داير .
انا اتحسستا وعرفتا انو جادي قلتا ليهو والله بشوف ليك شغله ظابطه قال لي تمام ي زول ...
شايفو من قلتا ليهو كده مزاجو انعدل ،
قبلتا يميني لقيت البنت الاسمها مروي تعاين فيني بس م ركزتا ..
المهم كوركتا لي امي قلتا ليها الفطور جهز قامو قالو دا شنو قلتا ليهم اتو جيتو اسي وم بتلحقو تجهزو اي شي اسي جهزو روحكم قالو لي خلاس جبنا معانا عيش وسلطه وديهن ليهم قلتا ليهم تمام ..
جبتا الفطور وجاء معاي ابوي واخوي وقلنا لي امهم انتو امشو بي هناك .
امي واخواتي منتظرنكم ونحنا بنفطر هناا اها قعدنا وفطرنا واتونسنا ونشرب في الجبنه ..
اتونسا كده لي الساعه ١١ ونص قمنا قلنا خلاس نخليهم يقيلو لمن جاء الغداء جونا بي غداهم وبقينا كده يومي ..
اها لاقاني ابوهم تاني وسالني من موضوع الشغل ..
أحببت لاجئة ..🥺🍂(3) :-
بقلم ✍️ : ĂŜ
سالني من الشغل قلتا ليها سالتا ليك ابوي وابوي قال بتصرف اديهو يوم يومين كده ..
قال لي خلاس تمام تعال اشتغل معاي عندنا محل بتمسك مويه واطيه عايزين نردمها ، قلتا ليهو ابشر اخش اغير ملابسي واجيك ..
جيتو لقيتو شغال هو وبنتو مروي شغاله معاهو بي باقه وتردم .
مشيت جبتا لي درداقه وجيت قلتا ليها غسلي يديك بنشتغل برانا قامت وم اتكلمت لحدي الان ولا حرف من يوم جات م سمعتا صوتا .
بقينا شغالين جابت جق مويه ختتو ورجعت شويه كده وجابت لينا قهوه ورجعت .
ناداني قال لي تعال ي ولدي نشرب قعدنا في الواطه وقعد يسال فيني قريت شنو وعمرك كم وكده المهم جابتو .
وقمنا تابعنا شغلنا وابوي جاء من الشغل وجابو الفطور ونزلنا فطرنا واتونسنا ومشيت ..
العصر طلعتا التمرين اتمرنتا وجيت قريب المغرب لقيتها شايله البسكله وطالعه تجيب ليها لبن ..
وهي م عارفه اصلا اللبن وين مسكت منها البسكله وقلتا ليها ارجعي بجيبو انا مدت لي القروش قلتا ليها رجعيهن م بشيلن ..
وقبلتا كده داير امش مسكتني من يدي .
قالت ي تشيلن ي جاي البسكله بمش براي ، ( ودي كانت اول مره بسمع صوتا ) ..
بي زعله كده قلتا ليها مف داعي للزهج .
دا وكلهن رطلين وانا شايل حقهن في جيبي م تتعقدي
كلنا اهل ومدام متعقده جاي بشيلهن وارجعي ..
ادتني ليهن ورجعت وانا الشارع كلوو بتذكر في القالتو لي دا وبتذكر في نبرت صوتا ...
المهم جبتا اللبن وجيت لاقاني ابوها جاي من المسجد قال لي جبتا اللبن انت قلتا ليهوو ااي لاقتني ماشه ورجعتا وزدتو رطل ..
قال تسلم ي ولدي وحرمم تدخل تشرب كبايه شاي
(يعني بعد حرم دي مف اي كلمه تانيه )
قلتا ليهو طيب انصل البيت اغير ملابس الكوره واصلي المغرب واجي ..
قال لي تمام
مشيت صليت وغيرتا وجيت لقيتهم طلعو السرائر وولعو الكانون للقهوه .
وانا اكتر حاجه بحب القهوه في حياتي دي .
المهم طلعو كلهم وقعدنا نتونس كلنا
الا مروي دي ولا كلمه م بتسمعا منها ولا بتضحك معانا بس تسوي في القهوه .
انا لمن ضوقتا اول فنجان لمن اتحيرتا ياخ قهوه عجييبه مره واحده داير. اقول ليها بس خفتها تحرجني 😂
المهم شربتا واتونسنا ومشيت
ابوي اتصل لي ...
أحببت لاجئة ..🥺🍂(4) :-
بقلم ✍️ : ĂŜ
ابوي اتصل لي .......
بخصوص موضوع الشغل لي محمد ( ابو مروي ) .
قلتا ليهو اها عملتا شنو قال لي لقيت لي اتوز حا اشتريها واجي اجرها ليهو يشتغل بيها .
وبالنسبه لي عمرو انا انبسطا لانو شغل مناسب معاهو لانو كبير شويه العمر ..
قلتا الخبر الثمح دا بوريهو ليهو باليل في قهوه عشان المزاج ينعدل وعزمناهم شاي مغرب كلهم وجونا بعد المغرب ..
دورنا القهوه وكان الجوو جو مطره ي دوب عايزه تجي سحاب وهواء مطره وريحه مطره ( جو خرافي ) .
قاعدين قمتا قلتا ليها ي عموو عندك رخصه سواقه ..
قال لي اي عندي خير في شنوو ..
قلتا ليهو كده ميه الميه .
ا ابوي جاي اسي وجايب معا الاتوز ليك انت تشتغل بيها وتمشي امورك..
والله من الفرح فنجان الجبنه م قدر يتمو وفات الدكان جاب خمسه اكياس شوكولاته ..
وفي نص كلامنا ابوي جاا خاشي ومعاهو الاتوز ..
واداهو المفاتيح وقعدنا واتعشينا كلنا وفاتو ينومو .
اها الصباح اسمع ليك صوت العربيه مدوره وماش اشتغل ..
انا من الصباح كان عندي شويه شغل في البيت خلصتو لحدي الفطور امهم امنه جات تشرب معا امي الجبنه ..
قمتا طلعتا لي اصحابي نلعب كتشينه في الديوان ..
جيت منهم قريب العصر ومشيت التمرين ..
جيت من التمرين مشيت جبتا اللبن كالعاده ..
وقعدتا في البيت لي الساعه ثمانيه ونص م سمعتا العربيه جات لسه ..
قمت مشيت ليهم داير اسالهم منوو ...
خشيت عليهم لقيتهم مخلوعين ...
أحببت لاجئة ..🥺🍂(5) :-
بقلم ✍️ : ĂŜ
خشيت عليهم لقيتهم مخلوعين ...
لانو ابوهم اتاخر وتلفونو م بخش ، قلتا ليهم م بتجيهو عوجه بكون الشغل كتير ولا جاهو مشوار بعيد .
مشيت جبتا تلفوني واتصلتا عليهو م دخل معاي
قلت احسن من يكون مغلق حاولتا تاني م دخل معاي برضو ...
قلتا تاني بجرب دخل معاي جرس 🥹 بس ماف رد 💔 اتصلت عليهو زي خمس مكالمات م ردا بديت انا زاتي اقلق ..
عديت نص ساعه واتصلت تاني قام ردا ✨️ قلتا ليهو : ياا عم الحاصل شنو ووين م بترد خير في شنو .
قال لي كان صامت م شفتهن زكنتا في محل م فيها شبكه ...
قلتا ليهو ناس البيت ديل مقلقين عليك ، انديك ليهم بالتلفون اديتو ليهم المهم خلاس راقو .
قال ح يتاخر امي شالت العشاء ومشت ليهم وقعدت معاهم لانو براهم ..
بعد ساعه اتصل لي وقال لي الليله م ح اقدر اجي البيت لاقيت صاحبي في السوق وحلف طلاق ابيت معاهو ...
تمش توري ناس البيت ، قلتا ليهو خير ..
مشيت وريت خالتو امنه ، قالت لي خلاص تمام ..
ومشيت داير انوم كان اتصل لي رقم ، رديت لقيتها خالتو امنه قالت لي نحنا خايفين تعال نوم معانا ...
قلتا ليها مف حاجه ، قالت لي المكان جديد علينا وكده
المهم مشيت وريت ابوي ..
وجيت زحيت سريري بعييد علي اخر الحوش ونمتا كده اطمنو وناموو ..
شايف مروه شغاله بالتلفون وبتبكي براحه
فجاءه خش علي رقم في الواتس .
طلعت دي مروه .
يكمل ...
ليست هناك تعليقات:
إرسال تعليق